Ho Wang's Blog

人生最後一個暑假了

2011-06-06T17:53:00.000+08:00

又好耐冇寫過 Blog 啦，話說今日係端午節，連埋之前星期六同星期日，我連續放緊第三日假。咪住！又話暑假既？冇錯！係放緊暑假，不過話說呢，之前一直都忙都死，由四月趕一大堆 Project，四月尾開始考試，五月頭考完試趕五月中 dead 既 CSCI4430S Data Communication and Computer Networks 兩大份 Project，UDP 扮 TCP 同埋 libipq 做 NAT，趕完 443 Project 又趕公司個 Project 0，做完 Project 0 又要 plan Project 0.1, 0.2 … Project 1, Project 2，同埋好多 follow-up 工作要做，唔經唔覺又五月尾要 quit 宿執野搬野，終於搞到病，到而家病左都超過一星期，仲未好得返哂，六月三日收到個電話，有個公司既股東唔想再夾錢，又多一堆野煩，明明我已經要睇 schedule，plan 個 road map，追 deadline，研究新技術，又要 assign 野比 development team 做，同時管理公司，開發團隊，又跟埋個 product 做 marketing 又做 analysis，仲要自己都係個開發團隊入面做緊最 core 果個 programmer，論職位的話，我會係 Director + CEO + CTO + Project Manager + System Analyst + Lead Programmer + Marketing Executive + 打雜，一個人做六個職位，每個職位收返唔好多閒閒地每個月一萬蚊人工，都有八萬蚊收入，可惜自己公司未有利潤之餘，仲虧蝕緊，冇人工收仲要放錢入去，燒銀紙，唉。好啦，講完我而家個處境，好似好忙咁，不過，忙都係忙公司野，話哂今日假期！一定要放低公司野唔好唸，比自己休息下！咁所以呢，我而家就係連續第三日，唔係，係第二日，係屋企 hea 住冇野做。（p.s. 六月四日晚去左維園）講左咁耐，都未入到主題：「人生最後一個暑假了」>.< 好，而家開始講。
轉眼間，Year 2 就完左，成績好麻麻，因為始終大學教d野比較理論性，我自己係一個比較實戰型既人，理論野唔會高分，同埋自己呢一年都算幾 hea 下，有部份時間唔係花係學業上，所以成績唔太好，但總算捱過去了。Year 2 的完結，意味著踏入了人生中最後一個暑假了，今個暑假，由於開左公司的關係，應該都好忙冇乜時間去玩了。另外參加左 CS OCamp，應該會係大學生涯中最後一次玩 OCamp。很多很多的最後一次，也就是一個時代的結束，同時又是另一個時代的開始，還有一年的大學生涯，就要進入社會正常投身工作了！

係宿煮野食

2010-02-26T03:27:00.001+08:00

好耐冇寫過 blog 啦。話說我今個學期入左宿，住係香港中文大學聯合書院恆生樓。
今日好攰，八點左右訓左，到十二點左右起身做野，一點幾覺得肚餓，先記得自己原來未食晚飯，由於已經係1AM，canteen 都收哂，咁就自己煮野食啦。

製成品名稱：餐肉雜豆出前一丁麵
味道：很好 (因為d餐肉好好味，同埋d出前一丁調味料)
營養度：一般 (有肉有菜，算OK啦)
整個過程所需時間：五十分鐘
流程：
1. 係房搬 d 野過去廚房
2. 解凍d雜豆
3. 切餐肉
4. 煎餐肉
5. 煮出前一丁 (連埋d雜豆)
6. 放d煮完既野落個碗度
7. 落出前一丁調味料
8. 食
9. 食完洗返d野
10. 搬返d野入房

食完先興起寫 blog，所以冇影相，下次先補返相啦。

18/03/2010 補相:

暑假都係要寫下日記

2009-07-11T21:45:00.001+08:00

發覺好多時都會唔記得暑假做過 d 乜，又或者真係冇做過 d 乜就浪費左，所以打算寫日記，一來可以記低做過 d 乜，二來可以迫自己每日都做 d 野。

乜原來男仔都可以好似個女仔咁煩

2009-04-20T14:07:00.005+08:00

算，都係唔好咁快畫公仔畫出腸 (對佢既不滿指數連續一個星期不繼提升，佢呢排真係好仆街)

howang @ Twitter

2009-03-18T23:30:00.001+08:00

雖然香港仲未話係好流行，但係我覺得 Twitter 最適合我呢d想寫野但係又唔係成日得閒寫水尾春咁長的 blog 的人。

http://twitter.com/howang

終於忙完啦

2008-12-18T09:38:00.000+08:00

終於完左最恐怖的五個星期，之前個個星期又test又assignment，每個星期有一半日子要捱夜，rush完一份又有另一份，做到想死。
而家執下d手尾，做下demo，再溫下書準備考試，總算唔洗咁趕。

女仔？

2008-10-21T21:50:00.000+08:00

咩叫女仔？我讀左五年男校，結果係唔識同女仔相處。有個女仔無端端嬲左人，我完全唔知咩事，好在有其他男同學話我知，女仔係同男仔好唔用，佢地的思想方法，行為，真係好難觸摸到。就當我純，唔識同女仔交往啦！

無錯我到今時今日思想行為都未成熟，就係因為呢份未成熟，攪到我唔識應付女仔，攪到我有時得罪左人唔知，攪到我好迷惘。

好，寫住咁多先，繼續做返自己野，year 3的生活可不簡單哦。

2008-09-09 返學日記

2008-09-09T18:46:00.002+08:00

早上遲了出門，遲了半小時到，但那麼簡單的 lab 完全難不到我，遲返都一樣做得掂！之後 ITP 堂份 lab 係 100% 吹水(用英文)，勉強吹得掂，真係唔識吹。午飯沒吃，省錢+減肥。午飯後繼續FYP工程，之後 freddy 堂教 SAP，難用到個個爆粗。歸家順路拎隻 harddisk 去整。

ASPHALT4 爆機

2008-09-03T23:30:00.002+08:00

既然就離開學，就把握最後機會玩下啦。
ASPHALT4 是 iPhone 上的遊戲，是暫時我見過畫質最好的iPhone Game，只售 US$9.99 ，不算貴。

詳情： http://phobos.apple.com/WebObjects/MZStore.woa/wa/viewSoftware?id=289651516&mt=8

就離開學啦

2008-09-03T23:15:00.000+08:00

今日已經係九月三日，九月八日就開學啦！Year 3的我一定要醒醒定定，目標係拉高分數要三年總成績distinct！
其實都真係有d難度，因為(如果冇計錯) year 1 + year 2 平均分都係得69.49，要75以上先 distinct ，睇嚟我要加倍努力，每科都要80或以上，先可能達成我的願望(目標)。
不過睇落今年有好多恐佈科，要取得80分，真是談可容易了。

做 iPhone project

2008-09-03T20:15:00.005+08:00

為左做 iPhone project，我果 team 人被迫要買 iPhone。

（圖中一位同學正在幫某人設定 iPhone）
（此圖是用 iPhone 拍下的）

考完試

2008-01-26T23:00:00.000+08:00

兩日前終於考完試，放下重擔，輕鬆一星期，二月一日就開始下學期了。下學期的科目有很多都很陌生，多數是和System Engineering有關的，即使我有programming的底子，看來也會讀得很吃力。

忙碌的一星期

2007-12-05T22:30:00.000+08:00

3/12 (Mon) P2A make-up class
4/12 (Tue) AP, AVP assignment due
5/12 (Wed) DBA test
6/12 (Thur) P2A presentation
7/12 (Fri) English Assignemnt due, SUE SAD extra hour

日日精彩...

十九歲生日

2007-11-12T01:00:00.000+08:00

話咁快就十九歲仔啦我，仲係好幼稚好單純，唔識長大咁。就咁睇我成點鐘都未訓就知啦。回望過去一年，仲係好懶散，雖然成績都算唔錯，但係其實我可以做成更好。總係覺得自己冇咩幹勁，好多野都得過且過就算。好啦，自責完，咁今年有咩願望？都係果d啦...入到大學，成績好，有靚電腦用，衣食住行唔洗擔心，冇病冇痛，生活得開開心心......等等

唉，今年有d失望，好少人同我講生日快樂，最快都係SW，果然係best friend。之後geld仔要提先記得，一個鐘內總共得兩個人講，少過上年。不過唔緊要啦，至少都有人記得我。^^

學校check學生的xanga？

2007-10-03T19:30:00.000+08:00

一看標題，咦！？不是舊聞嗎？對！不過基於某些原因近日我回想此事有感而發，希望分享一下意見。很多人在forum大吐苦水，學校追究他/她在xanga上寫的言論，受害人多數認為xanga是私人的網上日記，不應被學校干涉。其實受害人的xanga本身可以在網上被任何人觀看，既然寫了在xanga上，就要有心理準備該日記會被任何人閱讀，受害人根本沒有考慮這一點，就把很多不見得人的文字寫上，被看到被追究是自找的。沒錯我自己也曾把不能被某些人看見的事寫在網誌中，但很多到了現在被那些不應看到的人看到也不重要了。我也曾利用xanga去查看究竟別人怎樣看我，當然寫的人不會直接對我說，但這卻令我知道那些人喜歡我，那些人討厭我，從而進行自我反思，並找出別人討厭我的原因，繼而改善我的待人接物態度，取得更好的人際關係，但世人並不是個個都像我，現實中，看的可能是老闆，可能是上司，也可能是敵人，結果會是怎樣，也不用多說吧。如果大家有什麼不吐不快，不妨試試隱藏自己的身份，又或者善用blogger的權限管理，打造真正私人的網誌。
xanga?算把啦，支持blogger無廣告、速度快！

就快開學啦

2007-09-07T15:00:00.001+08:00

就快開學啦！回想呢個暑假，就咁就浪費完。
覺得自己好懶，咩都唔想做，咩program都冇寫過。
想當時不知幾努力去研發程式。點解我會懶左咁多架呢？
真係一個迷，不過我都唔需要知點解，最緊要係今年真係要發力。
Year Two啦，再唔努力Year Three就好難追得返架啦。
睇過sylbus，好似有好多野我都唔識，就算識都唔熟，一知半解果種。
我的優勢開始消失，唯一優勢只剩下我的經驗多。
真的要加倍努力了，要保住我的地位。

初試咩機之軟件心得

2007-08-30T22:00:00.000+08:00

擁有一部咩機*已經一個星期了，努力熟習中。

軟件心得篇 ﹣ 硬件買左就冇得變，唯有軟件可以變。

作業系統： Mac OS X Tiger 10.4.10 (使用語言：繁體中文)
瀏覽器： Firefox 2.0.0.6 & Safari 2.0.4 (419.3)
電郵： Gmail , Web-base mail interface , no additional software required
圖片管理： iPhoto (iLife '08)
圖像編輯： GIMP 2.2.11
音樂播放： iTunes 7.3.2(6)
音訊編輯： Audacity 1.2.5
影片播放： QuickTime 7.2.0 (component: Perian 1.0)
影片編輯： iMovie & iDVD (iLife '08)
光碟燒錄： SimplyBurns rev275(275)
文字編輯： Smultron 3.1.2
P2P軟件： Azureus 3.0.2.0 (BitTorrent)
辦公室軟件： NeoOffice 2.2.1 (modified version of OpenOffice.org 2.2.1)
開發環境： NetBeans IDE 5.5.1 (Java) & Zend Studio 5.5.0 (PHP)
即時通訊： Adium X 1.1.1 & Microsoft Messenger:Mac 6.0.3 (070803)
虛擬電腦： Windows XP SP2 on VMWare Fusion 1.0 (51348)
Dashboard： iTunes, Dictionary, Translator, Clock, Calculator, Notes, Google
系統分析： TechTool Deluxe (free with AppleCare Protection Plan)

大部份都是 freeware 或是預載的程式，其餘的是 Demo 版。

血海中的小孩

2007-07-09T20:30:00.000+08:00

在這個已經發展成熟，競爭激烈的電腦世界，大公司殺得天昏地暗，細公司積極取得少量的市場，並與大公司合作，最終被收購。市的的競爭令廿年前的藍海，變成一片血紅，誰想佔一席位？除非有極出眾的新產品及極成功的推銷手段，並且有堅定的立場不被收購合併，否則很快會成為這個血海中的血，因為這參與者的實力太低，根本不能和大公司們競爭，螳臂擋車，結果就是一敗塗地，又或者被收購、被合併，辛苦打造出來的品牌，一下子就沒有了。
我就像這個血海中的一個小孩，正努力地找尋生存空間，但這點不容易做到，因為這小孩沒有大公司的財力，有的只是技術和少許﹝少得就像沒有﹞的錢，希望能維持一段時間，但可借這小孩根本就負擔不來。這小孩曾有過自己的獨立伺服器，有過安裝及管理Linux伺服器的經驗，編寫及管理過幾個網站，但他並沒有在這些網站上取得大公司們做相同的網站所取得的利潤，反而因伺服器機件老化而最終要關閉網站。他曾有過兩個討論區，曾努力發表有用的技術文章，可惜無論他多努力，網友們寧願到一些大的討論區看那些從他那處抄回來的文章，也不會去看他的。討論區的會員數沒錯是不停地增加中，但活躍的會員數由本身有的十多名跌到沒有，連他自己都沒有心情去發表了，根本就沒人會看，寫不寫也罷。就這樣，這個血海中的小孩唯有放棄，生存實在是太困難了。
小孩現在再次張眼四看，看不到一個生存點，看到的只是一望無際的血水，有自己的，也有其他參與者的。在這個血海中，那裏會有一小片藍海還未受血淺，可以供他生存的一點點空間？

javascript xEmail() function

2006-11-28T12:00:00.000+08:00

今天我在 three.com.hk 上找到這段javascript程式碼：

function xEmail(strEmail) {
invalidChars ="~!$^&\*()+|=`\"\'";
if (strEmail==null || isWhitespace(strEmail))
return false;
if (strEmail.indexOf(' ') > -1)
return false;
if ((strEmail.indexOf(".com") == -1) && (strEmail.indexOf(".net") == -1) && (strEmail.indexOf(".org") == -1))
return false;
for (ai=0;ai badChar = invalidChars.charAt(ai);
if (strEmail.indexOf(badChar,0) > -1) {
return false;
}
}
atPos = strEmail.indexOf("@",1);
if (atPos ==-1)
return false;
if (strEmail.indexOf("@",atPos+1) > -1)
return false;
if (strEmail.indexOf("@.",1) > -1)
return false;
if (strEmail.indexOf("..",1) > -1)
return false;
periodPos = strEmail.indexOf(".",atPos);
if (periodPos == -1)
return false;
if (periodPos+2 > strEmail.length)
return false;
return true;
}

錯左一樣野。睇睇第七行幾白痴！乜呢個世界只係得.com .net .org ！？three.com.hk 個個月食幾千至幾萬蚊人工的程式員冇聽聞過 .biz .us .cc .hk .tv 之類的 domain 咩？簡直係 programmer 的恥辱！我現在以一個熱愛編程的人這個身份對 three.com.hk 作出強烈的遣責，並要求該班程式員立即作出改善！我不希望這些不完善的垃圾程式碼會再次出現在一個 production system 上！！！

23-11-2006 返學日記

2006-11-23T22:30:00.000+08:00

今日上 lecture 時當我和幾個同學正入神地聽老師講課的時候，突然聽到「咇」的一聲，原來是隔離班的某位同學用他的 PSP 玩 Pro Evolution Soccer 6 唔記得熄聲，被老師取笑曰：「上堂打機，紅牌出場！」令全場大笑。
Lunch 時去左 LRC (學習資源中心) print 份 Java Assignment 準備交功課，但係唔知點解平時我用開果部 printer 唔 work，我連續 print 左幾次，電腦顯示資料已正確地傳送到 printer，但是 printer 唔做野，比佢玩死。之後就轉用影印機 print，一 print 攪掂，無言。
今日放左學之後心情好好，因為聽日學校開放日唔洗返，有連續四日假放！

現今世代的『童真』

2006-11-21T19:30:00.000+08:00

今天，我在撘地鐵時，見到有四個小四的學生，無疑他們的樣子是充滿童真的，但他們的對話，卻令我對『童真』改觀。以下是他們的對話中某幾句我覺得最不能接受的：
「彈開啦，死肥仔！」
「你唔識做功課關我屁事！」
「洗乜咁認真做呀，都係為做功課而做功課o既姐！」
「哎呀！乜你咁臭o既？」
只是小四，言語中已滿是針鋒相對、踩踏人不用本的字句，難道世界真的變了？還記得我小時候是多麼的有禮貌，而且樂於助人〈現在禮貌少了，但還是樂於助人〉，不知道是現在的教育機制出現了什麼問題，還是普遍的父母都較以往忙生活，沒時間管教子女呢？唉...我真的不希望社會變成這樣，更不希望以往的童真消失，但我不能改變這個事實，難道我應走過去教訓那幾個小學生一番嗎？

不過他們也有值得我讚揚的地方。他們年紀輕輕，但已經有很高的獨立能力，能夠自己撘地鐵十餘個站再步行回家而不需要成人陪同，的確利害。當我小時候，在街中突然不見了父母的踪影，立即就急得要哭了〈當然啦，那時候又沒有手提電話，又身無分文，還要是『無證兒童』，沒有了父母在旁真的不知所措。反觀他們個個都有手提電話和八達通旁身，有什麼事打個電話bit下八達通就攪掂！〉。

Need for Speed Carbon 極速快感：玩命山道

2006-11-06T20:30:00.000+08:00

Need for Speed Carbon 在星期三(二零零六年十一月一日)推出，我在星期五(十一月三日)晚取得該遊戲並安裝，在星期六(十一月四日)開始玩，今天(星期一，十一月六日)早上十時左右爆機，整個過程只是十六小時左右。

避不過警察的追捕，被捉上警車了。

呀～！我連人帶車飛落街了！

玩 NFSC 的第一場勝利

好了，爆機了！(爆了 Career mode)

不過除左玩 NFSC 的 Demo 時贏過 Drift 之外，在正式版未贏過 Drift 的比賽，電腦對手太勁了。特別是山道上進行的 Drift 賽事，唔夠五秒就 HIT WALL, DRIFT ENDED 一次，拿不到高分。

拿 101,127 分也只能屈居亞軍...

總括來說， NFSC 比 NFSMW 有趣得多，配合了香港政府 "求學不是求分數" 的理論，不再像 NFSMW 般計分，要贏夠分先可以打大佬。
由於 NFSC 的 save file 會核對 CDKEY，所以在未有破解前我不把 save 檔放出來了。

20-07-2006 返工日記

2006-07-20T22:30:00.000+08:00

今日出門口時唔記得拎昨天幫公司買的硬碟，攪到要折返，結果遲到。今日放工時激眼訓，撘地鐵過站兩次。約左媽係鑽石山等，佢未到，我就上左去McCafe嘆咖啡，不過嘆嘆下又訓左。之後比媽的電話嘈醒，先繼續飲埋佢。貴的咖啡真係唔同d，特別正！

18-07-2006 返工日記

2006-07-18T22:20:00.000+08:00

今日起身係屋企見到隔離往觀塘的主要道路大塞車，唯有行落去藍田地鐵站。一落到樓下發覺個袋濕左，唔知乜事，水樽又冇漏水，真pk。行左四個字先落到去藍田地鐵站，熱死。
今日同Geld去左兩個datacenter(數據中心)，分別是NWT和HKNET，發現d人好有米，買個full rack來放雜物。datacenter的冷氣唔錯，企得耐又真係有d涼意，不過保安幾嚴，火燭的話實燒死/焗死(出面負責開門果人見火燭仲唔走哂？)。

今日係 datacenter偷影左d相，分享一下：

NWT 所在大廈的外貌

Geld 的 Server (1U size)

Firebox? lol

買左成個 rack只係放一部腦，有米有米。

很酷的伺服器呢！

原來會顯示溫度的，不過有誰會特意走到 data center 看溫度？

公用的 Mouse、keyboard、CRT Mon(留意右上角的裂痕)

伺服器後面的線路真混亂。

回到公司，又有部機死Hard disk，大家一齊看看這壯觀的 fsck (用來修復 Harddisk 的 linux command) 畫面

17-07-2006 返工日記

2006-07-17T20:40:00.000+08:00

今日冇乜野做，全日的工作是：修復Windows、上網搵資料、clone HDD、聽電話，都算幾清閒。

影左d相，比幾張你地睇下啦！

Linux boot 機畫面... 我所用的電腦是 Linux。

地上有三部機...

我的工作枱。

看我工作的樣子 ^.^

這部機的結構真複雜呢！

14-07-2006 返工日記

2006-07-14T23:30:00.000+08:00

今日係公司寫左兩個簡單的PHP程式攪掂左個麻煩客的問題，都有d成功感。之後又要clone HDD，起部機放返去datacenter，可惜由IDE HDD clone去SATA HDD攪到kernel panic，係我收工之前都未攪掂，希望d同事攪得掂啦！

11-07-2006 返工日記

2006-07-11T22:50:00.000+08:00

唉，昨天server 9x% CPU左好耐，我攪到好夜先fix到，總共hang左十個鐘有多。今日準時返工……返到去老闆未返，開機VNC返屋企睇下，Geld話佢7/12會將佢個伺服器搬去iAdvantage，我覺得佢係講緊聽日但係佢咁寫即係十二月七日。過左一陣老闆仲未返，不過都係時候開工，蛇王太耐唔係咁好。今日冇乜野做到，在Windows上安裝MRTG也有點煩，好彩網上的資源不少，還有人整合了個single installer，總括來說不算太煩。之後跟一跟返昨天攪的AWStats，唉，IIS真係好鬼死衰格。攪掂之後寫埋個MRTG on Windows的user guide就收工…天呀！我今日的工作效率太低了！(唔緊要，慢慢做可以做少d野[老闆睇到別炒我哦！])

10-07-2006 返工日記

2006-07-10T20:20:00.000+08:00

昨晚睇波五點幾先訓，今日鬧鐘唔響，攪到我成十一點幾先醒。返工遲大到，好彩冇比老細罵。
今日要係Windows Server 2003 + IIS6的平台上set Perl同AWStats，比Perl個死人"%s" %s玩死。IIS6的log又衰格，要重新set過哂先fit到個standard。IIS6的log的path同filename又係衰格，攪到差唔多收工先攪得掂。攪掂之後教埋d同事set先收工，遲左五十分鐘走(不過我遲左兩個鐘返lol)。
今日終於攪掂個IRC server linking，又係好Ｑ煩，去官方support channel問野又冇人應，跟住發現兩個server唔同version又要upgrade，結果浪費左我好多時間。不過都值得o既，始於都係自己試出來會印象深刻d。
P.s. 近來攪開Linux今日返到工司攪Windows用command-line list file時又打錯了ls ^^，不過我始終都覺得打ls順手d。

07-07-2006 返工日記

2006-07-07T21:10:00.000+08:00

今日工作算清閒，返到公司test過昨晚clone出來的HDD冇問題，就裝返好部機，準備送返去dara centre。之後要起部Windows Server 2003，開始安裝之後就去食飯。食完飯set少少野同入CD-KEY之後就呆等佢裝完。裝完之後第一時間安Firefox，因為Windows Server個IE好多限制好煩。裝埋IIS6之後就裝PHP同Perl，順手安埋AWStats就收工走人。

06-07-2006 返工日記

2006-07-06T21:10:00.000+08:00

昨晚鬧鐘失靈，錯過了世界杯FRA - POR。
今日撘地鐵返工時，有一個男人坐在我旁邊。他電話響了，他一口流利的日文告訴我他是一個日本人，但我看不出。
返到工司繼續攪G4U同FTP，同埋set MRTG。臨放工時老闆剛拿了部壞server回來，等我setup好個G4U做disk copy又過左鐘收工。
撘地鐵返屋企時，有一個女人坐在我旁邊。她電話響了，他一口流利的韓語告訴我她是一個韓國人，但我完全看不出，她簡直就和一個香港女性一樣。轉車後又聽到一個操不明語言的呀叔講電話…啊！香港的確是一個名副其實的國際城市呢！

03-07-2006 返工日記

2006-07-03T21:30:00.000+08:00

今日第一日返暑期工，公司係荃灣，所以早左好多出門口，驚遲到。結果早左四十分鐘到，剛巧門鐘壞了…攪左廿分鐘先入到去(因為負責人未返到，我又唔知辨公室的電話，打電話比負責人都冇用)，無奈。
第一日的工作是…download Linux=,=。沒錯，因為有個客買左部server安唔到Fedora Core，只好下載另一隻，等明天下載完再裝。

30-06-2006 返學日記

2006-06-30T13:40:00.000+08:00

Yeah! 現在已經係上午八點零五分，仲有五小時多的時間就可以離開這間學校了！
其實都有少少唔捨得，不過唔開心的始終太多，唔走唔得。呢間學校係有好老師，可惜不是高層的。
十時四十分了，上埋最後兩堂英文，在圖書館坐多兩堂空堂就正式離開這間學校了。

30-06-2006 深夜日記

2006-06-30T00:30:00.000+08:00

這深夜日記是在三十號淩晨十二時寫的。
這一天終於到了！幾個小時後訓醒覺起身所要面對的一天將會是我在mdm rau 2smr hogyo ehgr l 1hbnd 的最後一日。在這一年內我飽受痛苦，被同學刻意戲弄、不明白沒有聖言水準的老師所講的課，令我成績一落千丈、被訓導主任故意為難、被新來的電腦室職員(電腦技術幾乎等於零，不懂Linux、不懂任何Programming、不懂Windows Server等，只懂基本電腦應用，正所謂阿豬阿狗都做到)在背後向其他老師說我壞話(枉我曾經比過咁多好處佢)等等，我受夠了！！！！！！！明天一時十分後，我將與這一切一切劃清界線，從此以後與我無關！！！太好了！總算能得到解脫！從此以後，我將可以重獲自由，真是越想越興奮！
不過離開的同時，我要多謝劉智威老師和吳志龍老師，他們無私地幫助了我不少，他們的教學態度和熱誠值得鼓勵和表揚！希望劉sir明年能帶領7S超越7A，吳sir成功改革電腦室的規則和執法的政策(當然要先除去剛才提及的電腦室職員)，令電腦科技得以好好利用！
無論如何，下午一時十分，還有不到十三小時就到了！

帶着興奮的心情入睡。

29-06-2006 返學日記

2006-06-29T17:20:00.000+08:00

2 days to go! Today and tomorrow! 返埋呢兩日就走啦，終於可以離開呢間咁難頂的學校。 lol + rofl + wtfl + :) + :D
今天遲到了...第四次，破左我一年內的遲到次數紀綠。以前係聖言最多果年都只係兩次，證明呢間學校的返學時間定得唔好！同校長傾過，佢話要就隔離學校，費事撞時間，所以要早d喎。遲d唔得架咩！迫人咁Ｑ早起身返到學校咪冇精神咪學習氣氛差囉！唉，都唔知佢點學人做校長架，咁簡單都唔明。
唉，算啦唔好再勞氣啦，還掂都退左學，返埋呢兩日走人話知佢死。

27-06-2006 返學日記

2006-06-27T14:10:00.000+08:00

四日的假期之後，今日轉夏令時間返學，要返早五分鐘，即係七點五十分要返到。平時撘八先落到樓下都趕得切，今日我差唔多撘七落到樓下，可惜今日落雨，最後都只係啱啱好準時到達。但係死人根仔(on9的"訓導主任")話要記名，叫我地聽日要早五分鐘到，即係七點四十五分要到，如果唔係當我地今日遲到。Ｘ！咪低能啦！你搵日唔好攪咁Ｘ多野得唔得呀！日日都咁Ｑ無聊係要搵ｄ野攪先安樂架喎，Ｘ！我趕返學校已經成條褲濕哂啦，已經勁唔開心架啦，死根頭你做乜Ｘ野要扯起我把火呀！我有邊忽得罪你呀？而家我邊Ｑ有遲到呀？遲遲遲，遲你個死根頭咩Ｘ街！你而家係咪博打呀Ｘ你老板！你係咪好好打先？我有盡力，你冇壓力，你憑咩要話我遲到呀！何必呢啱唔啱呀老友？無謂架大家，啱唔啱呀？我有盡力就算數，唔好玩野，你玩野即係博投訴，你要博投訴就隨時，唔需要就算數，你攪事即係唔妥我，唔妥我你就等收投訴！
今日已經交左退學信，班主任唔係幾開心，不過都冇辦法，呢間學校唔適合我，我留係度都冇用。
前幾日已經練返熟d PHP，今日無論如何都要開始寫 d4bb，一日唔開始有幾多idea都冇用。

18-06-2006 假日日記

2006-06-18T22:20:00.000+08:00

今日係星期日，早上十時許身，上網+溫書到下午一點左右，之後去觀塘泳池游水，游到四點幾，去左黃金買野，買左一個高解像WebCam、IDE->USB同USB->電掣插頭，買完野之後仲去埋剪頭髮，返到屋企都係八點左右。

13-06-2006 返學日記

2006-06-13T05:30:00.000+08:00

今日早上未上堂時同班主任一齊研究聖經，我出示我昨晚下載的免費聖經閱讀程式e-Sword的PPC版－ Pocket e-Sword，問佢邊本聖經好d，佢話Good News Bible(GNB)最好，d字簡單易明。之後空堂時間我用VNC連線返屋企，下載了Good News Bible的Pocket e-Sword檔，今日返到屋企就可以下載到PPC中了！食完飯等上堂時，班主任拿了Good News Bible的hard copy給我看，也勉強睇得明，呀sir話睇得多英文會好(他是我英文老師呢！)，我想他講得，等我考完試之後開始每日睇一章英文聖經先！
唉，其實自己都好慚愧，信左耶穌咁耐莫講話係英文聖經，連中文聖經都未睇過一次(未睇過全本)，希望今次可以正正式式咁睇一次成本聖經啦！

09-06-2006 返學日記

2006-06-09T16:40:00.000+08:00

唉！死人老頑固校長果然名副其實，眾所周知今日正午時份又落大雨，今次仲勁，係黑色暴雨，校長又唔比我地出去食lunch。今次好左少少，佢搵d老師、校工出去買野食，不過得兩個選擇，一係M記6蚊雞的漢堡包，一係燒味飯盒。但係控時做得唔好，攪到中六要去到撘七先有得買飯食。死人老頑固校長，你比我地出去食飯洗死咩！係都要咁頑固，我真係頂你唔順啦！哼！我要離開呢間學校！！！

07-06-2006 返學日記

2006-06-07T17:10:00.000+08:00

昨晚十時許屋企突然停電，全座大廈都停電了，我立即拿出PPC作臨時照明，去營救被困在漆黑的廚房中的母親大人。隨後我拿出並點?兩大枝蠟燭(有可樂罐咁粗)，令屋企不至於漆黑一片，並添上浪漫的氣氛。停電持續了四十多分鐘，我們兩母子浪漫地渡過了這四十多分鐘，真是一次很特別的經歷！

02-06-2006 返學日記

2006-06-02T16:50:00.000+08:00

今日返學果陣都冇乜雨，點知去到第五堂尾果時紅雨同雷暴警告，個死人爆X街的老頑固校長話要「保障大家的安全」而全校包括老師唔比出去食飯。X！我已經廿個鐘冇食過任何野啦X街！X，想唔爆粗都唔得啦X佢老板！！！好耐未試過咁火爆啦，X我已經好憎呢間學校架啦，而家又攪單咁o既野算點呀！？你有飯食，我冇飯食，你做乜挑釁我呀！？我好X大壓力，明唔明呀？你唔好固執，算數，唔放我地即係未掂，仲未解決，未解決！未解決！！！學天佑老師咁講，大家都心情唔好！咁死人爆X街老頑固校長你做乜挑釁我呀！？X，我已經一把火架啦X佢老板！我唔信行幾步路去食個飯會比雷電死囉！電死一個人o既我賣身比學校成世做苦工又如何！？點解我可以賭咁大？因為根本就唔會發生架！n 咁多個老師都有同校長傾過，大家都知道咁樣唔得掂，但係個死人爆X街老頑固校長玩自閉，完全唔應人地的意見。食飯時間後的第七、八、九堂有同學唔舒服，我都有d肚痛，真係要「多謝」呢個死人爆X街老頑固校長啦！

01-06-2006 返學日記

2006-06-01T16:30:00.000+08:00

今日落大雨，又遲左少少出門口，趕返學校差d遲到仲攪到成身濕哂，係除左個頭之外全身濕哂。多謝課室的冷氣，過左三堂都乾得七七八八，但係褲腳成日都唔乾。
上Physics堂提到"Charge distribution on a conductor"，我即刻想到"Linux distribution on a computer"。
食飯時時又同人地一齊吹水，講到大陸上網d野，好多網都ban左，不過如果識少少o既都破到。
就離考試啦，我要加油努力！

11-05-2006 返學日記

2006-05-11T17:30:00.000+08:00

今日起身時超勁爆激眼訓！但係返到學校又唔係點覺眼訓。今日兩堂中文兩堂Physics一堂Chem一堂空堂食飯兩堂PureMaths一堂Oral放學，總算捱得過。
昨天發現我的得意之作 USL 中的 Key Disk Generator 在某版本的 VB 6 Runtime Module 上出現「Overflow」錯誤，看來我要推出新版本了！新版本的 USL 應該會是 1.7.1 吧(沒理由叫1.8.0吧，只是小小的bug fix^^)

09-05-2006 返學日記

2006-05-09T18:30:00.000+08:00

今日好眼訓...好眼訓...因為昨晚睡得不好。
返到學校聽校長講野，校長講講下野無端端叫d考生唔好講得咁大聲，但係佢自己開咪講野咪仲大聲=,=。
Physics堂呀sir話佢上堂突然冇返係因為佢爸過身了，唉，生死乃人生必經之事，又可必太介懷呢？在中國人的社會，親人或好友離世總會帶來種種的自責，但無論你做甚麼也不能令一個人永遠不死，其實只要用平常心面對就可以了。

04-05-2006 返學日記

2006-05-04T18:20:00.000+08:00

今日做英文早會的司儀，幾榮幸。早會完左返去排隊，嘩！計埋我都係得四個人！事關d人走哂去考會考英文SylbusB。頭兩堂Pure Maths，Miss見到得兩個人咁少(在我們四人中只有兩人修Pure Maths)，就直情叫我地去圖書館自修，即係變左做空堂。跟住Chem堂呀sir見得四個人又唔上，又多兩堂空堂。Physics堂呀sir盡責少少，比左兩份pastpaper我地做，話係bonus，唔會比其他人。食完飯有一個同學走晏晝(早退)，有一個同學考完試返來，都係得四個。跟住兩堂今日應有的空堂，最後一堂終於有得上，係PE堂。總括今日總共上左八堂空堂同埋一堂PE。

27-04-2006 返學日記

2006-04-27T18:40:00.000+08:00

今日繼續腳痛，終於遲到。遲到左三次，扣一分操行分(當操行分被扣滿22分就踢出校(入學時77分，<=50就踢，冇加分的方法))。
今日四堂空堂同某個Form5同學暢談電腦科技。
食完飯Roll Call時被召見，原來係電腦室的問題，相信同上次職權衝突有關，但呀sir還未開始講，已經走左去處理一宗八達通失竊事件，要明天再談。看來我要清清楚楚地在此交代此事了！事關某日放學後我如常到電腦堂當值，我準時三點八到達並開放電腦堂給同學們，本來也無事，那電腦室職員(以下簡稱『種子』，因為他的職稱是『IT種子』)四點零二分進來，第一句就很不滿地問：「邊個放你地入來架！？」我話：「我囉，吳sir話撘八開o既。」種子無言。種子走近我的坐位時，見到我在「打機」，發老脾咁話：「電腦室唔比打機架！」我要聲明，我打機只是連線到屋企部腦中打，何況我只是在測試我修改的遊戲，難道寫程式也不行嗎？測試也是寫程式的必要步驟呢！我拒絕了種子的要求。種子大聲呼喝道：「電腦室唔準打機架！」我輕輕的道：「電腦呢家野，What you see is NOT what you get呀！」種子講不過我(當然啦！道理在我...)，從另外一個IT Prefect得知我的姓名班別學號，紀錄了我的資料同埋「打機」。其實很明顯錯不在我，只是種子唔like我，又唔抵得我細佢咁多但係d電腦技術勁過佢，同埋根本就唔清楚電腦技術就係度想暗算我。

26-04-2006 返學日記

2006-04-26T16:30:00.000+08:00

今日起身時也是很眼訓，也是腳痛。第一二堂Chem，呀sir又重覆上堂講過的課文，無奈，在?下用PPC睇叮噹電影，睇完全套(個半鐘)都只係用左23%電。第三四堂Phy，原來呀sir教書有82dB咁嘈！第五六堂英文，成堂傾計。食完飯三堂空堂，
其實我偶爾也會想，究竟呢間學校算唔算一間好學校呢？某些老師可以和同學們打成一片，教學認真；但某些老師根本就連死物也不如，不體諒同學、濫用權力、脾氣暴躁、野蠻無比又不講道理。同學方面，有些同學人品很好，成績也不錯；也有些同學脾氣差、愛打架和粗言穢語、經常戲弄別人等。我的結論係：呢間學校龍蛇混雜，防人之心不可無，一定要帶眼識人。

24-04-2006 返學日記

2006-04-24T18:25:00.000+08:00

21號因為太忙冇寫日記，其實日日都冇乜特別，唔寫也罷。
今朝起身遲左，出門口已經撘八，想撘的士，點知咁好彩落到樓下係一架車都冇...無奈唯有照平時咁行，行到16M巴士站終於有架的士，我趕快地上了車，怎料塞車了...好彩最後都趕得切。今日勁眼訓...眼訓...眼訓...眼訓...眼訓...眼訓...
返學都係太沉悶，不如講下我電腦方面的發展啦！IRC的在線人數繼續上升，日平均已經突破200！距離目標500人只剩下300！相信一個月內可以達標，但係唔知個伺服器頂唔頂得順呢？另外我的D4Bot的新功能已經完善，但係run得耐(約五至六小時)會無端端停左+不停食RAM，食夠8MB就自動Fatal Error，因為這是PHP的安全機制^^，我大概想到解決辦法，還在測試中。

14-04-2006 至 17-04-2006 放假日記

2006-04-17T22:15:00.000+08:00

四月十四號晚被媽迫我陪佢一齊去婆婆度住幾日，我婆婆住係塔門(一個位於香港東北部的離島)，有間三層高的屋，屋的結構很特別，外牆是水泥鋼筋，但內裏除了地面那一層外每一層的地板都是木做的。我唔係幾鍾意去婆婆度住，因為果度冇電腦+冇得上網+又多蚊蟲+張床唔好訓+冇野好做+悶到爆。不過雖然壞處多，但係都總有佢o既好處，婆婆度有空地比我活動一下，山上有足球場(上山唔洗五分鐘)，山中有間已停辦的小學校舍中有籃球場(由我婆婆屋企上去只須約一分鐘)，設施基本上是空置的，每次去到都冇人同我地爭場，就像私家場地一樣。十四號去到，我立即setup我帶去的電腦，上次竟忘了帶mouse、keyboard和power cable，結果有主機也沒用，今日帶齊上次漏帶的配件，經一輪設定後，總算起到部腦。呢部腦的設備都幾特別：PC-Chip的底板(連CPU,VGA,LAN,Sound Card的All-in-one底板)，AMD Duron 1200 Mhz CPU(跟底板的)，256MB DDR266 RAM，4GB HDD，16x10x40x CD-RW，15" CRT Mon，16蚊的keyboard，8蚊的mouse，Windows XP SP2 CHH；係廢機一部，不過點都好過冇。我安左隻2001年出的第一身射擊遊戲，個硬碟已經冇哂位，內置的VGA勉強應付到，低d解像度就得！可惜冇帶對立體聲喇叭同埋隻Driver碟，冇聲玩真係少左好多樂趣。當日晚上我們BBQ。十五號冇也特別，同恆舅父捉左盤中國象棋，輸得好慘，唉，太耐冇捉過棋啦。十六號比我媽迫去幫手搬野，結果比舊死人爛鐵絆倒，擦傷雙手手臂和右腳膝頭，並扭傷右腳腳踝。十七號冇乜特別，弄傷了的手腳繼續痛，下午五時半撘船走人。

12-04-2006 返學日記

2006-04-12T17:20:00.000+08:00

今日七點五先起身，趕唔切食藥，唯有拎返學食。結果八點鐘食，之前未食野，傷胃都冇辦法，不過我由細到大胃痛唔多過三次，個胃特別好，所以食完都冇事。但係今日繼續頭痛+眼訓。兩堂空堂玩IRC，英文堂冇乜特別，不過有一單攪笑野：呀sir講「五一勞動節」講左做「五邑勞動節」。兩堂Pure Maths繼續教D，好好玩好開心。食完飯同個Form 5 friend傾計傾左九個字，冇幾耐就夠鐘上堂。最尾果堂英文做presentation同默書。唉，下學期終於都有默書唔合格啦，哈！

11-04-2006 返學日記

2006-04-11T18:00:00.000+08:00

今日仲未病完，起身時激頭痛，食左藥好少少，不過上堂時又繼續痛。食左藥攪到好眼訓，中文堂訓左四份一堂，Phy堂小測都頂唔順訓左一陣，但係Chem堂出奇地冇訓到。一堂空堂落左地下陪d Form 5 friends溫書、傾計。食完飯兩堂Pure Maths開始教D所以我特別精神，最後果堂去聽H5N1講座，激眼訓不過唔訓得。 :( 放左學去電腦室當值，並且教某同學PHP。

10-04-2006 生病日記

2006-04-10T14:10:00.000+08:00

星期六已經唔舒服，今日仲未病完，三日啦，要睇下醫生先得！今日冇返學去睇醫生，九點五去到，個姑娘話要等到十點五，咁我同我爸就去左食早餐。我地去左興田商場內唯一一間酒樓，我食左兩籠叉燒包(貪佢夠平，三大個叉燒包都係計一個小點)，而我爸就食左一籠鳳爪。結果我地加埋都係廿五蚊，唔算貴。大概十點四見醫生，醫生話我因感冒而產生「上呼吸道感染」，醫生仲話：「咁你喉嚨應該都幾痛架喎！」比佢講中，我由星期六開始喉嚨痛得好勁。今次睇醫生用左百四蚊，攞左五隻藥同一張"Medical Certificate"。返到屋企食完藥就訓，午餐都冇食。

09-04-2006 假日日記

2006-04-09T20:45:00.000+08:00

今天早上去拜袓父母；中午和一起拜的親戚飲茶；下午和大表哥一起去位於尖沙咀的香港文化中心看第三十屆香港電影節開幕的神秘電影。我地睇戲的會場很厲害，在會場內所有手提電話都不能接通的呢！原來所謂的神秘電影是一套關於樂隊「Alive」的成立與運作的經過，當中包含很多笑料，也反映了「Alive」內部的情況以及吳彥祖(其中一個「Alive」成員)對狗仔隊的不滿，並介紹了利用傳媒令自己上位的方法，除了睇戲之外，還可以見到吳彥祖真人呢！睇完戲同大表哥一齊去vim商場(vim不就是Linux下著名的文字編輯器嗎？)食野，果度d野食好貴，價錢同apm差唔多，應該仲貴過apm...果度有無線上網，不過係Netvigator(PCCW)，要login的(即係要計錢)，當然唔制啦！其實去食野都係因為我要食藥，由昨天開始已經唔係幾舒服，今日鼻水不停流，又咳又打噴嚏，仲要頭痛...睇完戲之後大表哥買左克痛比我，話空肚食藥唔好，所以我地先去食野。想起電影、藥、食野都係大表哥出錢，我真係好唔好意思...

Alive 主題曲「阿當的抉擇」下載網址：
MP3(Song): http://www.alivenotdead.com/contents/01AliveTrack01.mp3
MOV(MV): http://www.alivenotdead.com/contents/alive01MV_hi.mov
MOV(MV2): http://www.alivenotdead.com/contents/adam_choice_wild/adam_choice_wild_l.mov

07-04-2006 返學日記

2006-04-07T19:30:00.000+08:00

昨晚訓覺時好似訓得唔係幾舒服咁，轉左幾次身都訓唔?，但係又覺得好眼訓。今日起身時身體完全唔聽洗，動彈不得，攪左成五分鐘先勉強起到身。
今日早左少少(兩三分鐘)返到學校，想起頭兩堂係Chem就令我無奈，唉！「又上Chem真正係無樂趣，又上Chem真正係無謂！」結果我用左半堂Chem做AMaths，勉強聽左一堂書，剩下的半堂發白日夢。
Phy堂又有實驗睇，由於有部份人上Phy堂時唔聽書，呀sir玩野係個Power Point度加左句「Teachers open the door for you, but you must enter yourself」，無言。
之後都冇乜特別...
放學後和電腦老師開會，傾下d關於網站設計的事，一傾就傾左個半鐘...

06-04-2006 返學日記

2006-04-06T16:50:00.000+08:00

今朝起身時唔係點覺眼訓，不過覺得個身好累，冇力起身咁。
返到學校第一堂Pure Maths，做返AMaths的d、in，咁就過左兩堂。英文堂繼續做，可惜被老師見到，冇得再做。之後Phy堂聽書冇做AMaths，食飯時間在電腦室繼續做。中文堂做速讀，冇機會做，總結一日做左五十題d，搵返上年做數果種感覺，好開心。我都好耐未試過做數做得咁開心啦！^^
今日第九堂去左睇常識問答比賽，笑死。問：邊個係第一個發明火箭的中國人？答：愛因斯坦；問：現任保安局局長係邊個？答：李明...呀唔係，許少光！(許少光係我地校長=.=，係李少光呀！)真係笑到我流眼水...

04-04-2006 返學日記

2006-04-04T18:40:00.000+08:00

今日係Day6，有PE堂，在學校還未批準著夏季校服的炎熱日子，短袖的PE衫簡直是最美好的！不過我醒目，知道學校的冷氣必定會大開，所以我還是帶了PE外套。果，返到課室，我全身的熱氣在五分鐘內全消，過多兩分鐘就開始覺得凍，便拿出PE外套穿上。好彩我夠醒，如果唔係就要凍足成日，哈！
今日過得好平常，冇乜特別事發生，不過放學後管理電腦室時與學校新近請來負責看管電腦室的職員發生了職權上的衝突，有點不愉快的事情發生了，不過之後我再詢問負責老師，確定了這只是我們之間的誤會，也是制度的問題，我已經向負責老師提出現行制度的問題和漏洞，並提出了修改方案，希望以後不會再有同類事情發生。講真，我要交學費比學校仲要幫學校做野，但係果個看電腦室的職員係收錢做野o既，你話邊個辛苦d啦？我都唔想攪大件事，但係佢要夾埋另一個IT Prefect攪大件事咁我呢個CIT Club主席+IT Prefect都冇辦法。仲有，有一樣野大家應該要知道：在電腦世界中，What you see is NOT what you get!!!

03-04-2006 返學日記

2006-04-03T17:18:00.000+08:00

今日過得好平常，英文正式實行「講中文罰企」計劃，對我沒影響，反正無論我用中文定英文都可以傾到計同串人，lol！中文堂睇人做小組討論，果幾個同學勁攪gap，無奈。食完飯Chem堂做實驗，求求奇奇咁做，總算做得完，冇乜野特別，不過我聽到一個新的用詞方法：
A同學：「信唔信我Strong Alkaline你呀嗱？」
B同學：「你講乜q呀？」
A同學：「Strong Alkaline咪即係『強鹼』囉！」
讀咩d音你就會知佢講乜架啦，哈哈～

01-04-2006 閒遊日記

2006-04-01T22:00:00.000+08:00

我今日來到大埔大明里廣場閒遊(等人)，看見六個可愛的小朋友在玩耍，他們之中三個穿長褲，三個穿短褲；只有一個穿長袖衫；而穿長褲的都有著鞋和襪，穿短褲的都沒有著襪；而沒有著襪的有一個著涼鞋；穿長褲的有兩個有Gameboy，而穿短褲的只有一個有Gameboy。
問題：穿長袖衫的有幾大機會會有Gameboy呢？
這是數學概率的問題，我想不太難，應該中一或以上的都能回答。
想到答案的請留下Comment，謝謝。

30-03-2006 返學日記

2006-03-30T19:05:00.000+08:00

今日起身果陣感覺上好精神，但係今朝上中文堂時超眼訓，好唔情願地同周公捉左兩盤棋。
Phy堂開新課教Stationary Waves，本來都冇乜野，但係某個男同學唔聽書自己睇第二d notes，呀sir話左佢兩次都繼續睇，第三次呀sir好唔開心咁話如果佢再睇就要收左佢，又話佢同埋某部份同學成日唔聽書，教書教得好冇癮；果個同學話聽唔明呀sir講乜，咪自己自修；呀sir話：「你有d咩唔明咪舉手問我囉！」；但果個同學揚言：「我估呢班冇乜人會聽得明你講乜囉」；呀sir好唔開心咁話：「你點可以用自己的標準去睇人呢？」點知果個同學突然出動「男兒淚」，話：「你可以當我自欺欺人o既，冇野啦，你繼續(教書)啦」；「男兒淚」一出，呀sir都心軟左d，話男仔流眼淚係因為激動，可能係佢錯，又同個同學道歉，之後就繼續教書。
今日食完飯Roll Call時我要求英文老師明天不要默書，他拒絕了，並說：「No game, no pain」，完全講錯哂！(正確來說應該係「No pain, no gain」)

29-03-2006 返學日記

2006-03-29T21:21:00.000+08:00

唔經唔覺已經三月尾，部PPC都差唔多陪左我一個月，我至少花了三、四十小時在它身上。

唔經唔覺已經三月尾，我的AMaths只係溫左好少，淨係溫左Vector...
唔經唔覺已經三月尾，我的成績還未有起色，我仍然冇心情溫書...
唔經唔覺已經三月尾，我已經係呢間地獄似的學校渡過左三份之二的中六生涯，只剩下三個月...
唔經唔覺已經三月尾，我已經習慣左比呢間學校某個野蠻的「Ｘ仔」老師耍...
唔經唔覺已經三月尾，我已經習慣左比呢間學校的某批同學冷嘲熱諷，並且原諒左佢地，因為佢地根本就唔知自己做緊乜，更加唔知得罪我的後果...
唔經唔覺已經三月尾，回想起上年同一時間我正在努力地溫書，相比起我而家的懶散，真係好大對比...
唔經唔覺已經三月尾，仲有七個半月就十八歲仔啦，但係我仍然好幼稚...
唔經唔覺已經完左四堂空堂，掛住整bot同埋set IRC services，冇溫過書+冇做過功課...
唔經唔覺已經放學，咁就過左一日...
唔經唔覺已經星期三，聽日就要交o既Phy功課仲未做；後日要交的中英文作文又未做...

唔經唔覺、唔經唔覺，我就浪費哂d時間...

唔經唔覺，我又寫完一篇日記...

攪笑語錄：
某同學：呀sir，小息啦！
Chem李：小息小息，仲有大把野未教呀！你估大把時間比你小呀？

27-03-2006 返學日記

2006-03-27T19:20:00.000+08:00

星期五那天晚上PPC突然壞了，即使hard reset也無法boot機，想是中毒了，可能是MapKing

的破解檔有毒(我只是想試用一下罷)，怎知道就中招了。我無辦法之下只好打算拿回原廠修理，但心念一轉，就在星期日晚臨訓前自行刷入官網上的新版ROM，成功了！終於能boot入Windows，太好了！可惜我沒時間安返d程式，今日只有一部「原廠新機」用...
今日遲左少少起身，落到樓下撘九，不過一樣準時返到學校，lolz！不過都係遲左少少先上到課室，因為今日係第一日轉班房，唔洗再坐係Chem Lab咁辛苦+危險了！唉，有得必有失，遲出門口又要準時返到學校的代價就係不停流汗和周身酸痛！不過周身酸痛係因為星期日打羽毛球打得太激，快速行返學只係令我更加痛。
Day7係最慘的一日，冇空堂:(，而且今日仲要Phy小測，唉，都未溫好書...今次炒硬啦...

24-03-2006 返學日記

2006-03-24T19:10:00.000+08:00

今日醒果陣覺得訓得好舒服，因為換左短袖衫訓又開左冷氣

，呢次係我第一次並唔係因為眼訓而係因為訓得舒服唔願起身。
今日d堂好悶，兩堂PMaths聽唔明，兩堂Chem訓覺，兩堂Phy用心聽，食飯時間去電腦室玩電腦，兩堂空堂做功課+溫書，最後一堂PE。

快樂的時間過得特別快，不快樂的時間也過得快。

返學等上堂，上堂等落堂，小息等食飯，食飯等上堂，上堂等落堂，落堂等放學．．．

23-03-2006 返學日記

2006-03-23T17:00:00.000+08:00

都有一段時間冇寫日記了。在剛過去的星期日，爸紿了我一張512

MB的SD Card，暫時解決了卡的問題。今日出門口時已經是七點七，落到樓下撘八過d，返到學校仲未打鐘。空堂浪費了冇做過?，食飯時間玩Ren入Fnfall 500 Sniper，今日班友好Q勁，好似個個都set左Weapon Error做0咁，成日比人hs，好冇隱，所以玩左一陣就冇玩。之後連線返屋企開MSN，同Frankin傾左陣，佢已經搵到工啦，希望佢工作愉怏啦！佢仲約我今晚同佢一齊食飯，可惜今日係星期四，而且我今日有功課要做，我估好大機會唔得。不過算啦，總有機會o既！下次約埋SW咪重好！食完lunch三堂Chem，兩堂做實驗，要做的很少，所以有一堂可以講書，呀sir又計錯數鬧笑話，好悶，但係唔想訓，所以就寫左呢篇日記。放學後我應該會照舊去電腦室溫書同玩電腦。

14-03-2006 返學日記

2006-03-14T18:20:00.000+08:00

今日起身發現張MMC死左，立即開電腦插張MMC入Card Reader睇下咩事，發現張卡多左幾個怪名檔案同資料夾，其中有一個重要有成「兩激」，相信是檔案標頭磁區壞了。我先掃描一下張卡是否有損壞的磁區，再備份所有資料，然後就format了張卡，再重灌所有資料到卡內，總算攪掂了。但沒多久我就發現某些檔案不能讀取，猜想是有bad sector了，而且有時還要re-plug才能讀資料，看來我要買張新的了。

13-03-2006 返學日記

2006-03-13T16:50:00.000+08:00

今日起身時已經係七點五，快速換衫洗面出門口時已經係七點七過幾

字，落到樓下撘八，返到學校上到Locker Area先打預備鐘，上到課室等左一陣先打鐘。今日兩堂英文兩堂空堂兩堂中文食飯三堂Chem做實驗放學（唔知你睇唔睇得明呢？lol），咁又過一日啦！
死啦，三月中啦，要開始溫返d AMaths啦！如果唔係五月十七日就"負"街啦！

Belive me: Ho Wang is the BEST! ^.^

10-03-2006 返學日記

2006-03-10T17:40:00.000+08:00

今日七點撘二就醒左，不過唔知點解今日好睏訓，都係攪到撘四先起

身，換完衫撘半，洗面刷牙後撘七，落到樓下七三十七分，返到學校都係七點四十八分，即係行左十一分鐘，真快！今日又係過得好平凡，放左學之後又留到五點幾六點先走，在電腦室一路玩電腦一路溫書一路吹水真開心。

9-3-2006 返學日記

2006-03-09T17:20:00.000+08:00

Chem堂好得閒咁攞部PPC出來寫日記。(部份係Phy堂未開始時寫的)

今日神咁早就比呀爸個鬧鐘嘈醒，我估當畤係六點半左右，之後就訓唔返啦>.<，到七點三左右我媽來"叫醒"我，告訴我爸在六點九出門口，還稱讚他「講得出，做得到」，昨晚兩點幾先訓的他竟然可以咁早起到身。

今日出門口時已經係七點三十八分，落到樓下撘八，用左十二分鐘就返到學校，看來我的步速真的很快^^。今日係Day3，得一堂空堂，頭兩堂係中文，跟住兩堂Physics，再上一堂悶爆+迫人訓覺o既Chem，之後第六堂(食飯前果堂)係空堂。食完飯之後兩堂Pure Maths，再加一堂英文Oral吹水咁就完左一日。時間過得很快，同時我亦質問自己為甚麼還要留在這間沒有CS讀但又一定要讀Chem而且教得唔好的學校。

Quote:

A: "Just back from the school hell."

B: "It is hall, not hell."

A: "No! I'm not talking about the school hall. My school is a hell!"

24-02-2006 返學日記

2006-02-24T12:55:00.000+08:00

今日撘二就醒左, 不過又訓多三個字先起身, 快速換衫刷牙洗面出門口又係撘七, 返到學校剛打預備鐘。兩堂空堂之後兩堂英文, 其中一堂去左MMLC做eng-class, 我一路做一路聽歌, 勁好feel, 之後個電腦技術員玩ICQ勁大聲”喔噢”,引來全班大笑！之後兩堂PMath跟住食飯, 食完飯兩堂Physics做實驗, 之後英文堂默書成功地合格左, 放學之後prefect開會, 咁就完左一日lu~

23-02-2006 返學日記

2006-02-23T16:04:00.000+08:00

今日早返少少起身, 不過都係成撘七先出門口, 落到樓下撘八, 衝返學校又係準時, lol! 中文堂短講, 講唔到point要lunch再講過, 放左學仲要見Miss唐傾中化project d嘢

22-02-2006 返學日記

2006-02-22T16:09:00.000+08:00

今日起身時已經係七點半, 快速換衫洗面後出門口已經係七點七, 落到樓下撘八都未到, 十萬火急衝返學校居然連預備鐘都未打, 看來我的步速又提升了, 真開心！第一、二堂係中化堂, 做聆聽, 感覺上比之前咁多次做得好, 可能係今次做果份易d掛！跟住四堂空堂, 之後就食飯啦！食飯時間照舊去電腦堂玩, 從自己家中的電腦下載左With Love d歌來聽, 不過今日電腦室嘈到爆, 都聽唔清楚。之後兩堂Chem同一堂PMath就放學lu！

21-02-2006 返學日記

2006-02-21T16:00:00.000+08:00

今日鬧鐘唔響, 呀媽又唔知醒叫我起身, 攪到我七點七先醒, 換完衫都七點四十二分, 不過我好好彩, 一出門口等左唔洗十秒就有升降機撘, 落到樓下等左半分鐘就有的士撘, 落左車入到學校就打鐘, thx god!
Day 1 其實都幾輕鬆, 兩堂Chem兩堂Phy再加兩堂英文就放食飯, 食完飯之後三堂空堂之後放學, 時間過得真係快！

My New timetable

2006-02-08T18:23:00.000+08:00

Well, I found myself getting besier and busier.
Now, I am going to set a basic and flexible timetable for me.

School days:
7:10am wake up
7:35am leave home
7:50am arrive school
3:30pm offical school end time
5:10pm leave school
5:30pm arrive home
5:30pm-6:00pm relax (play games or sleep)
6:00pm-7:30pm Computer time
7:30pm-8:30pm dinner
8:30pm-10:30pm school work (revision and homework)
10:30pm - 11:00pm bath
11:00pm sleep (I must sleep earlier!!!)

Non-school days:
Still planing!

Ideal mate's condition

2005-12-11T20:30:00.000+08:00

Let's play a game!

1) What's the sex of your Ideal Mate?
2) State 8 condition of your Ideal Mate.
3) Invite 8 people to play this game.

My answer to this game:
1) Female
2)

must be a girl
Christian
know how to programming
love computer technology
love me
don't have bad habit
have the ablity to write a webpage
won't mind about my height

3) The first 8 people viewing this blog post!

Still Reading this blog?

2005-10-15T17:30:00.000+08:00

I have setup my new blog as http://www.howang.hk/ !!!
Please go there for PHP and other technology-related entries. And this blog will become a place for my daily life or any lower-class contents.

Remember to check out http://blog.howang.hk/ !!!

USL get onto SourceForge.net!

2005-10-15T00:47:00.000+08:00

Well, today sf.net approved my registation of the USL(USB System Lock) project. It is a great solution to enhance system security. This program enable us to use a physical USB Drive to be a key to unlock the computer. Without the key, the computer will be locked by the program and cannot access by anyone. Nowadays, security become more and more important, so I am sure that this program will become very popular soon! Visit the USB System Lock webpage at http://usl.sf.net/ !

Valid email address correctly (PHP)

2005-09-26T10:00:00.000+08:00

Nowadays, valid the format of the email is not enough, so, we need to valid it with making a testing connection to the email server and ask the email server that the user provided if the email account exisit! Here is a PHP function that can do this for you:

<?php

/* Return value: (true|false)
   true if valid, false if invalid */

function valid_email($email)
{
    global $HTTP_HOST;

    if (!eregi("^[_a-z0-9-]+(.[_a-z0-9-]+)*@[a-z0-9-]+(.[a-z0-9-]+)*(.[a-z]{2,3})$", $email)) {       
        return false;
    }

    list($username,$domain) = split("@",$email);

    if (checkdnsrr($Domain,"MX")) {
        getmxrr ($Domain, $mxhost);
        $host = $mxhost[0];
    }
    else {
        $host = $domain;         
    }

    $connect = fsockopen($host,25};
    if ($connect) {
        if (ereg("^220", $returns=fgets($connect,1024))) {
            fputs($connect,'HELO ' . $HTTP_HOST . "\r\n");
            $returns = fgets ($connect,1024);
            fputs($connect,'MAIL FROM: <' . $email . ">\r\n");
            $test1 = fgets($connect,1024);
            fputs ($connect,'RCPT TO: <' . $email . ">\r\n");
            $test2 = fgets($connect,1024); 
            fputs ($connect,"QUIT\r\n");
            fclose($connect);
            if ((!ereg("^250",$test1)) or (!ereg("^250",$test2))) {
                return false;
            }
        }
    }
    else {
        return false;
    }
    return true;
}

?>

Edit M$ Office documents ONLINE!

2005-09-14T21:45:00.000+08:00

I found a good website today! ThinkFree Office Online is a website that provide online documents create / edit / save services! The best part is, it can support M$Office document format! The "online office" is not really online. It is a set of Java Applet (which have to pre-loaded by browser). And it provide a free 30MB web disk for document saving too! From now on, we can make use of this online office to view/edit our documents everywhere!
Note that this website require an account, sign up process is simple and it is totally free.

Someone make me angry...

2005-09-12T16:00:00.000+08:00

Well, someone put me in the MSN ingore list for just one non-related word "considerate", I feel very angry, so I launch a simple DoS attack on his server. I try to send 40000 request to his server, but, his server down when about 24500 request sent. So, everyone please note that DO NOT MAKE ME ANGRY, otherwise, hehe...

I am too lazy again!

2005-09-03T23:50:00.000+08:00

Today I wake up at 1pm >.< I play games just after I wake up until 10pm =.= After I stop playing game, I switch on the TV and watch football matches until now! I become very very very very lazy now... I must not do that tomorrow! Ho Wang should be crazy not lazy!!! I will carry on crazy for PHP tomorrow!!!

mdm rau 2vfok ipp 2krd !!! (此文章經 CJ 加密)

2005-09-01T22:55:00.000+08:00

oin a anmt hbnd , hqi m gi mgln , owjr mgil yg ohg yfiku rvl hqi gpd gi qrrd gamh sgjwp dyck smv yrttb wgnin , qhbu mgln hqi ha hommn m jjjii ... rtm janl rmmr sevif mwv , asje ha kokr ohvf owjr dyck smv yrttb gwg D wgnin qmn jeq hqi gpd hapi jm onfd , oss yrhjr hqi gpd hbnd dyck kb owjr yrhjr m jmyo rmmr omwa omwa jkys mboii csh , asje hovie qwlg mgln m csh rtm k qau ! rmav oyg oss yfiku rvl hqi gpd rmmr vnd hbnd oss , igp yryvo aj D pp p dvii ... oss janl ON ON gpd 9 krd ! ab okr 2oh hoami rsp ana hbnd dyck hapi o janl rmmr yhs mmks , oss igp yryvo yrttb D ihs mks hapi omnn nd , hgdi hqi gpd ykok egi oss , mbll rmmr ohvf yrttb D hqo bcok omnn nd !
yhe mgln CHEM LAB ol vfok ipp 2, owjr mgilg yg ohg rvl hqi gpd nc hup rmmr vnd gi TOILET , wk iknf omwa kb o qhbu jlln rbbr ... rmmr ohvf rmvh FA... hqi vnd tksqf rmvh !!! k ojkp , hqi l yc rqyt ! egi pha D l mm mmm qmn yck !? riok , vfhwp ino rsp ana hbnd dyck ohvf goshr vfok ipp 2krd rqyt !!!

無奈的十七分

2005-08-10T20:31:00.000+08:00

好無奈囉！剛剛差一分入唔到原校，好慘好無奈，ｄ老師又唔肯幫手，肯幫手的老師又搵唔到，搵到又已經太遲．．．天啊！你為什麼要這樣對我！？唉～慘啦！今次失去了Ｂａｎｄ　ｏｎｅ學位，中七之後入到大學的機會就．．．唉！

聖言的老師、同學和朋友，再見了～

2005-08-10T20:30:00.000+08:00

今次係我破例第一次用中文寫Ｂｌｏｇ，係因為我真係好唔開心，希望唔會有下次。
咁多位聖言的老師、能留在聖言的同學和朋友，還有聖言中學的每個角落，再見了，可能我冇機會再見到你們架啦，好好保重啦！
對於再一次不守信用的Ｍｉｓｓ　Ｓｈ’ｅ，我對妳絕對失望，這是妳最後一次令我失望，也不會再有下次的了，因為妳已成功把我趕出聖言，但也只能怪我自己冇用。唉，堂堂一個ＺＣＥ竟落得如此田地，我以後怎會有面見人呢？唉．．．．．．
對於向我提供很多資訊，又盡力幫我的Ｍｉｓｓ　Ｙｅｕｎｇ，在此我向妳表示無限的謝意！真的要感謝妳！除了謝謝外我也不知要說什麼好了！
還要多謝大肥金，在放榜前一日晚上的電話中也提供了很多有用的資訊。
要恨的是肥老胡，依然都不肯格外開恩；還有守舊及不懂變通的校長，不肯收留我這種ＩＴ界人才。
要祝福的是所有０４－０５年度聖言中學５Ｅ班的同學，包括所有能留下和不能留下的，也包括我自己，希望你們能夠順利進入大學。
要提點的是能留下的同學，你們千萬不要因為能留下而過度興奮，特別是剛好夠分和學校格外開恩收的同學，來年要努力讀書，不要浪費了這Ｂａｎｄ　ｏｎｅ名校的寶貴學位，你不要可以讓給我！也要提點不能留下的同學，你們要痛定思痛，Ａ－ｌｅｖｅｌ時不要重蹈ＣＥ的覆轍，用成績來告訴不肯收留你們的老師，他們的選擇是錯的！你們才是最好的學生！
今次我Ｈｏ　Ｗａｎｇ受到失敗的挫折，希望所有和我同樣遭遇的人能和我一起奮鬥，Ａ－ｌｅｖｅｌ考取５Ａ進入理想的大學！

－－－無奈與失落的Ｈｏ　Ｗａｎｇ，１０－８－２００５

Tired

2005-08-02T02:24:00.000+08:00

Well, today I am very hard working! I work from 10:00am to 2:20am!!! (except lunch, dinner and toilet time) I am really carzy with PHP!!! I must stop now... otherwise I will die because of too tired!

A better way to detect IP in PHP

2005-08-01T14:15:00.000+08:00

Sometimes we cannot get the correct IP of the client by $_SERVER['REMOTE_ADDR'], so we need the following function!

<?php
function getrealip()
{
    $ip = FALSE;
    if (!empty($_SERVER["HTTP_CLIENT_IP"])) {
        $ip = $_SERVER["HTTP_CLIENT_IP"];
    }

    if (!empty($_SERVER['HTTP_X_FORWARDED_FOR'])) {
        $ips = explode (", ", $_SERVER['HTTP_X_FORWARDED_FOR']);
        if ($ip) {
            array_unshift($ips, $ip);
            $ip = FALSE;
        }

        for ($i = 0; $i < count($ips); $i++) {
            if (!eregi ("^(10|172\.16|192\.168)\.", $ips[$i])) {
                if (version_compare(phpversion(), "5.0.0", ">=")) {
                    if (ip2long($ips[$i]) != false) {
                        $ip = $ips[$i];
                        break;
                    }
                } else {
                    if (ip2long($ips[$i]) != -1) {
                        $ip = $ips[$i];
                        break;
                    }
                }
            }
        }
    }
    return ($ip ? $ip : $_SERVER['REMOTE_ADDR']);
}
?>

Simple language detect function(PHP)

2005-07-31T22:00:00.000+08:00

Well, I have some extra time so I develop this code snippet.



<?php

function hw_delectlang() {

    if (substr($_SERVER['HTTP_ACCEPT_LANGUAGE'],0,2) == 'en'){


        $lang = 'en'; //English

    } elseif (substr($_SERVER['HTTP_ACCEPT_LANGUAGE'],0,2) == 'zh'){


        if ((substr($_SERVER['HTTP_ACCEPT_LANGUAGE'],3,2) != 'cn') && (substr($_SERVER['HTTP_ACCEPT_LANGUAGE'],3,2) != 'sg')){


            $lang = 'cht'; //Chinese Trad.

        } else {

            $lang = 'chs'; //Chinese Simp.

        }

    } else {

        $lang = 'en'; //Default is English


    }

    return $lang;

}

?>

Hope this works.

Zend Certified Engineer

2005-07-29T18:45:00.000+08:00

Finally, I become a Zend Certified Engineer. I would like to thanks my uncle Koon Mun, which is my sponsor, and Ilia, which is my teacher. They give me support for the examination and finally, I pass the exam!
Contact me at howanghk[@t] gmail [dot]com if you want a professional PHP design by me!

HKCEE Finished!

2005-06-22T18:30:00.000+08:00

Wow~ Finally & lastly, I finished the oral examination! Now all the CE Exam are over! I can play & write programs now! Yeah~!!!

PHP & Java both have their 10 years old birthday in this month

2005-06-08T15:08:00.000+08:00

Well, today is the PHP's 10 years old birthday! And Java will have its 10 years old birthday in this month too! As a PHP programmer, I think today is quite special and I should do something special today!

HKCEE Finished (except Oral)

2005-05-20T13:07:00.000+08:00

Yeah! I have finish all examination!!!
Now, I will focus on my projects and I am plannig to get the Zend PHP Certification, and become a Zend Certified Engineer! I hope I can...
I will try my best!!!

The final challenge

2005-05-17T21:00:00.000+08:00

Well, I have been very lazy to update this blog for a long long time, and now, I am facing the final challenge - HKCEE Additional Mathematics Examination! This exam will be hold on 19/05/2005 8:30am - 11:00am. The examination time is 2.5 hours, that is the longest single paper time over all HKCEE subjects.
After 19/05/05, I will put most of my time on programming, I hope I can finish d4, howang.net, hkto.net & howang.hk within one month!
Please support me by donate to Hong Kong Hang Seng Bank Account#763-3-006023, thanks a lot!

Easter Holiday!!!

2005-03-24T19:59:00.000+08:00

Wow~ Tomorrow is the first day of Easter holiday!!! That excellent!!!
This mean that I can have a long time to stay at home to study!!!
I must work very hard during this holiday to beat the CE Exam!!!
I cannot get bad result! This is my future!!! I must get more than 20 points in this examination!!! Otherwise, I cannot go back to my school to study in Form six, and this affect my whole life! This examination is very important to all Hong Kong students! Without good result in this exam, the will mark "Poor" on you forever!!! So I must work hard work hard work hard and try my best!!!

I am looking forward to beat the CE Exam

2005-02-24T19:50:00.000+08:00

Well, time is running as the optical speed. I have only 10 more school days. After 10 days, I will have my Mock Examination. After my Mock Examination, I will for two weeks to study at home. After that two weeks, on 28th April, 2005, I will have my first HKCEE(Hong Kong Certificate of Education Examination), the subject is Computer and Information Technology. After that, my second exam subject is English, which will hold on 6th May.
I think I have to work harder to get a good result in HKCEE!!!

Newest Homework process

2005-01-03T04:15:00.000+08:00

I am too slow, I have to work faster!

Homework Process (up to now):
Maths 20%
AMaths 0%(give up, I think the teacher won't collect it)
Physics 100%

I am too sleepy, so I MUST sleep before 5, so I give up AMaths, I have drink some , I feel not so sleepy now, hope I can finish Maths!

Latest Homework process

2005-01-03T03:37:00.000+08:00

I am too slow, I have to work faster!

New Process (up to now):
Maths 10%
AMaths 0%
Physics 100%

Oh! My god! I think I can't sleep untail 5 o'clock... (may be 6 o'clock >.<)

New Homework process

2005-01-02T22:50:00.000+08:00

I am too slow, I have to work faster!

New Process (up to now):
Chinese 0% (Give up)
English 100% (No homework)
Maths 0%
AMaths 0%
Physics 50%
Chemistry 60% (Give up, because no Chemistry lesson tomorrow)
Biology 0% (Give up, because no Biology lesson tomorrow)
CIT 0% (Give up, because no need to hand in tomorrow)

Help! Too many homework again!

2005-01-02T21:55:00.000+08:00

Tomorrow I have to go back to school, but I have finish any homework yet! >.<

Subjects that have homework:
Chinese
English
Maths
AMaths
Physics
Chemistry
Biology
CIT
(All subject)

Process (up to now):
Chinese 0%
English 0%
Maths 0%
AMaths 0%
Physics 30%
Chemistry 60%
Biology 0%
CIT 0%

My god! Can you help me to increase the time before tomorrow?

I have become very lazy...

2005-01-01T22:12:00.000+08:00

Oh my god!!! Why I become so lazy!?
First of all, I haven't wrote any post for two months!!!
Second, I study for less than 1.5 hours a day.
Third, I haven't do any holiday homework, but I have to hand in them on 3rd, January!!!
Forth, I start to playing computer games again! I NEVER play them in the past 4 years!
My life have become a mass! Can anyone help me?
I am hopeless >.< ! I am too lazy now.

Revision, revision and revision...

2004-10-22T20:16:00.000+08:00

I will become crazy!!!

On 14/10, I spend half a day to study,
On 15/10, I study from 10:00am to 10:00pm,
On 16/10, I study from 10:00am to 5:00pm,
On 17/10, I study from 10:00am to 3:00pm,
(skipped school days)
On 22/10, I study from 10:00am to 4:30pm,
and more...
(All the study time above are counted ONLY when I study in the self-study room)

I am very tired... I want to have a ball game to relax, but who will play with me!? >.<

Formal test is approaching

2004-10-07T20:11:00.000+08:00

While I will have a formal test at school during 20-28 Oct, I won't update this blog per day.
But please come everyday, I will post at anytime!

Definite Integrals

2004-10-06T22:24:00.000+08:00

Today we started the topic "Definite Integrals" in Additional Mathematics lesson. This is quite difficult, but while I have pay fully attention in class, I understand the definition of definite integral, and learn the skill to solve the problems, so it is not so hard for me.

Help~ So many quiz amd informal test!

2004-10-06T18:20:00.000+08:00

List of quiz amd informal test:
Yesterday: Chemistry
Today: Chinese and CIT
Friday: Biology
Next Week: Chinese x 2 , Chemistry

So shit! Why there are so many! I will die if I do revision for all! But I will die also if I do not revision. What can I do?